منتدى احلام البنات
منتدى رائع ارجو التسجيل وتشرفونا يابنات


منتدى اكثر من الرائع
 
الرئيسيةالبوابةالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
»  قصه بوليسيه
الأربعاء يونيو 29, 2011 5:51 pm من طرف دمعة بنوتة

»  لــوو عندك رقم العضوو/ه اللي قبلــك وش تسميها بالجـــــوالك ..*..
الأربعاء يونيو 29, 2011 4:32 pm من طرف اميرة الاحلام

» العــض علـى الشفــايف
الإثنين فبراير 28, 2011 8:58 am من طرف {نجمه*الليل}

» انا موهوبة
الإثنين فبراير 28, 2011 12:43 am من طرف {نجمه*الليل}

» شرب الماء على معدة فارغة
الإثنين فبراير 28, 2011 12:41 am من طرف {نجمه*الليل}

» اهئ اهئ اهئ اهئ
الإثنين فبراير 28, 2011 12:41 am من طرف {نجمه*الليل}

» فوائد البطيخ
الإثنين فبراير 28, 2011 12:41 am من طرف {نجمه*الليل}

» لعاب للبنات فقط
الإثنين فبراير 28, 2011 12:39 am من طرف {نجمه*الليل}

» ~【 عـــد إلــــــــى 10 ۈٍلـــــصـــــق الـــــعـــــلــــــڪــــۃ بـــمــــلابــــس أحــــد مـــن الأعـــضـــــاء 】~
الأحد فبراير 27, 2011 11:58 am من طرف {نجمه*الليل}

ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
منتدى
منتدى
التبادل الاعلاني
احداث منتدى مجاني
التبادل الاعلاني
احداث منتدى مجاني
أفضل 10 أعضاء في هذا المنتدى
دمعة بنوتة
 
{نجمه*الليل}
 
اميرة الاحلام
 
لا يوجد اسمـ
 
محبة الاسلام
 
ساكورا
 
همسات الحنون
 
*فرفوشهـ*
 
ڤېـۉنڪآ
 
Nice Girl
 

شاطر | 
 

 اللبس المصح للفتاة امحترمة

اذهب الى الأسفل 
كاتب الموضوعرسالة
دمعة بنوتة
مديرة المنتدى
مديرة المنتدى
avatar

عدد المساهمات : 70
تاريخ التسجيل : 06/06/2010
العمر : 22

مُساهمةموضوع: اللبس المصح للفتاة امحترمة   السبت فبراير 05, 2011 1:30 pm

بسم الله الرحمن الرحيم
أنا بالحظ بدور عن شئ على النت كنت بدور على أشكال حلوه للنقاب عشان لما أرتديه لأني أن شاء الله كمان شويه وهلبسه المشكله أني بس كل ما أقول أهلي بيرفضو من وأنا في الصف الأول الأعدادي
المهم وأنا بدور لقيت الموضوع ده فحبيت أنقله عشان نستفيد كلنا والله الموضوع مفيد جدا وفيه حاجات مهمه لازم نعملها ديه للمنقبات وكمان المحجبات تقرأه عشان تعرف وتستفيد يمكن الي تقراه يعرفها شئ
كمان الي زيي عايزه تتنقب وأهلها بيمنعوها أتمنى أني أفدها بموضوعي ده هقولك الي تعمليه زي ما عملت وربنا وفقني بس ربنا يوفقني والبس النقاب كمان شويه مش كتير بس حبيت أفيد بالشئ لو معرفتش أعمله على الأقل أفيد المنقبات لو مكنتش لسه أتنقبت ربنا عالم بيه وبالي بواجهه وأن شاء الله أدعو يغفرلي يارب
نصايحي للي عايزه تتنقب تعمل زي ما عملت أنا كنت عايزه أتنقب من أولى أعدادي وأهلي كانو بيرفضو ومعرفتش أزاي أتعامل معاهم غير على كبر بعد كتير يعني المهم كنت بلبس بناطيل وبلوزات وأول ما دخلت أولى معجبنيش الحال قلت أزاي محجبه بالشكل ده قلت لازم أتنقب فأهلي رفضو ودارت صراعات فقلت على الأقل أصلح شويه من ملابسي الي لا يمكن لو مقدرتش أعمل شئ فبقيت كل ما أخرج مع أهلي نشتري لبس أشتري فيستات واسعه البسها فوق البناطيل لأني كنت متعودتش على الجيب وأول فست كان ضييق فلبسته مره وحرمت عشان لاحظت أنه ضيق وبيقيت أشتري واسع ده في أولى أعدادي وأستمر الحال لتانيه وبعدين بقيت أشتري جيب واسعه والبسها وفوقيها بلوزات وكمان كنت لسه برضك بلبس ألفستات والبناطيل ببدل يعني وده أستمر لتالته وأولى ثانوي كمان بعدين لاحظت أني كنت أقدر البس النقاب من الأول في مده أقل من السنيين ديه كلها حتى وهمه أهلي رفضين كنت أقدر أخليهم يتقبلو الأمر لأني لاحظت أنهم كل ما أعمل شئ في شئ بيتقبلوا الأمر أسهل من الجدال الطويل والزعل بعدين فكرت وقلت طيب مادام عديت كلالخطوات ديه بس على سنين يارتنس عرفت من الأول مكنتش أستمرييت السنيين ديه كلها في كده المهم قلت مادام عديت الخطوات ديه يبقى مش هاخد النقاب على خطوه واحده لأن أهلي بيرفضو ده أنا لحد ما دخلت ثنوي ميئستش من الكلام معاهم والمحاولات الكتييييييييييييره الي فشلت في لبس النقاب المهم قلت الأول البس الأذدال كتهييئ ليهم وبعدين البس النقاب يكونو أعتادو الامر يعني حبه بحبه أفضل على الأقل الجدال يكون أقل ويكون الأمر أسهل وربنا يوفقني وأعملو في الاخر والحمد لله أهو الازدال باقي النقاب أنا بستنه بقى مده بعدين البس النقاب بس مش على طول يعني مده كده شويتين بالأذدال وبعدين بلبسو عشان أهلي ما يقولوش شئ حتى أنا قلت كده لصحبتي وكنت بقولها أيه رأييك لو أشتري بدل الأزدال نقاب والي يحصبل يحصل قالتلي لأ ديه خطوه جرييئه وكمان غير أهلك أنتي ممكن ترجعي عنه وده غلط أكبر من أنك متلبسيهوش فالأفضل أنك بدل ماتقلعيه تلبسيه على أقتناع قلتلها أنا أصلا مقتنعه من صغري قالتلي كتير قالو كده قلتلها خلاص لما ننزل نشتري أزدال ونقاب أهو بالمره النقاب يكون معايا أفضليي شويتين بالأزدال أشوف كلامك وأشوف هغير فكري ولا لأ وأن شاء الله لما أشوف كلام مين الي صح بلبس النقاب وأهو يكون أهلي أعتادو عليه بالأذدال وأديهم الضربه الأخيره بالنقاب المهم على الأقل النقاب عندي ومش مقتنعه بألأذدال لأني مقتنعه بالنقاب بس شايفه عادي مش هرجع ولا شئ بس بستنه كمان مده أهو أشوف رأيي وكمان حكاية أهلي أول ملاقيهم أعتادو الأمر بلبس النقاب أن شاء الله ديه تجربتي في حياتي بنقلها للعايزه تتنقب وأهلها رافضيين على الأقل متقعدش السنيين ديه كلها في المحاوله زي ما عملت وتلبسه أسرع يعني تاخد أهلها حبه بحبه تعودهم على كده
أما بقى الموضوع المنقول أهم وهوه عن أخطاء بتتجاهلها النساء في نقابهم لازم تعرفوها وتعملو الصح على الأقل لو مكنتش منقبه ومش قادره أعملها دلوقتي أهو أدل على الخير لو مقدرتش أعمله عسى ربنا يوفقني ويهديني ويغفرلي
نبدأ أهو الموضوع أتمنى تستفيدوو
نصائح بخصوص لبس الأخت الملتزمة (بس من غير زعل)
السلام عليكم ورحمه الله وبركاته

انا عارف طبعاً ان كل الاخوات الي موجدين هنا فضليات وبفضل الله افضل من 100 مثلي ..

انا بس هذكرهم ببعض الاشياء ممكن تكون بتقع فيها الاخت من غير قصدها .. او تكاسلاً

او هذكر ليكم هذه الاشياء عشان الاخوات الفضليات ينصحوا الاخوات الي بيقعوا في الكلام ده انهم ميقعوش في الكلام ..

انا عايز اقول كلمة صغيره .. لبس النقاب مش هو المقصد ( فقط ) من الالتزام .. ومش هو نهاية الالتزام ..

لبس النقاب مش مجرد تغطية ملامح الوجه .. النقاب ده شيء كبير اوي .. شيء محترم اوي ( قمة العفه والعفاف )

النقاب مش بس إخفاء أنف وفم .. النقاب سمو في الروح .. وعلو في الهمه .. ونقاء في القلب

النقاب مش بس إخفاء للوجه .. النقاب ده شعار للبنت بتقول فيه للناس ابعدوا عني انا محترمه .. محدش يبصلي بصه وحشه .. محدش يروادني عن نفسي ( المعاكسه )

يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً [الأحزاب : 59]

يعني بحجابك هتتعرفي انك انسانه محترمه مؤمنه وده جزاءه في الدنيا انك متتأذيش ..

متتأذيش من سماع كلمات قبيحه .. ومن نظرات سيئه .. وهكذا ..

لكن بالرغم ان في اخوات بالفعل انتقبوا إلا ان ممكن تلاقي واحد ماشي بعربيه ويعاكس واحده منتقبه ..

او واحد يروح جي واحده منتقبه ويقول ليه بصوت منخفض ( من برا هلا هلا ومن جوا يعلم الله ) ده موقف لسا حاصل من اسبوع مع زوجة أخ ..

وطبعاً السبب في ان بعض الاغبياء بيتعرضوا للمنتقبات في المعاكسه وغيره .. ان في بعض الاخوات التانين بيتساهلوا ويستهينوا ببعض الامور .. وده ادى ان الفكره تتاخد ان الاصل في المنتقبه انها مش محترمه .. دي بقت فكره عند بعض العامه ..

مفيش واحد تقف معاه دلوقتي الا لما تلاقي عنده عشرات القصص يقولك ياعم الشيخ ده انا شوفت واحده منتقبه ومش باين منها حاجه ابداً وكانت بتعمل كذا وكذا

وواحد تاني يقولك ده انا شوفت واحده وكانت قاعده تشيش في القهوه والدخان بيطلع من فتحه عنيها .. وتلاقي واحد يقولك ويقولك .. ولا تجد واحد من الناس معندوش عشرات القصص ..

السبب في ده تهاون بعض الاخوات وتساهلهم مع وجود فئه ( **** ) بيداروا خلف النقاب في اعمال اباحيه ..

وعشان كده موضوعنا النهارده عن تصحيح بعض التساهلات والاخطاء عند المنتقبات ..

طيب بس الاخطاء الي هذكرها دي هيقراها في المنتدي اخوات فضليات كلهم بفضل الله احسن من 100 زيي يبقا ليه جي انصحهم ..

انا بنصح من باب التذكير .. والتاكيد .. وكمان عشان اجمع ليهم المخالفات والاخت بقا الملتزمه تنصح عن طريق النت بالنشر في المنتديات النسائيه ... وده مهم عليها كدعوه ..

وكمان ممكن تطبع المخالفات دي وتلزقها في المسجد .. ممكن تنصح صديقتها .. الف فكره وفكره ممكن تعملها الاخت الملتزمه .. بس ياريت كفايه كسل من الاخوات وبالفعل تعمل شيء ايجابي لان المشهور عن الاخوات انهم في الدعوه صفر .. وان شاء الله الاخوات هيثبتوا بالموضوع بتاع النهارده انهم مش كده وبالفعل هينشروا الموضوع .. سواء في النت والمنتديات او سواء في انها تنصح صاحبتها او تنشرها عن طريق ورقه في المسجد ...

هندء بعض الاخطاء وهحاول انها تكون منظمه الي حد ما ..

نبدء بسم الله




ان شاء الله النصيحه باللون الاسود والحل البديل باللون الازرق .





أخطاء فى اللباس



1- الكعب العالى لما يصدره من صوت وحركة مائله في المشية .


والحل انك تلبسي حذاء او كـُتش يكون فلات ( علي الارض يعني )






2- لبس الاسدال او الملحفه أو العباءه ويكون الكـُم بتاعها واسع .. بحيث ان مع اي حركة ورفع لليد بيظهر الذراع كامل .. ولا شك دي فتنة حتى وان كنتي لابسه جونتي بيكون ايده صغيره يدوب بتداري كف اليد .. ومفيش اخت تقول انا بخلي بالي ومش برفع ايدي .. طبعاً ده غلط المفروض تعملي الصح ومتعلقيش عفتك علي هخلي بالي او مش هخلي بالي ..


عندك حل من اتننين للموضوع ده . إما تلبسي حاجه بكـُم قميص او تيشرت بكم بحيث مع الجونتي ذراعك ما يظهرش .. ولو الجو حر ومش عارفه تلبسي شيء بكم .. يبقي تشتري حاجه اسمها معصم .. هتلاقي في اي محل محجبات وده عباره عن دراع من القماش بيتلبس عشان ميظهرش الذراع .. للمرأه .





3- عباءة سوداء لكنها براقة بها شويه خرز علي ترتر .. وشويه شغل سوري .. أو مثلاُ بها خط سيلفر ( فضي ) او ذهبي .. او خامة الاسدال والملحفه نفسها اشبه بالساتان .. تحس انه عامل زي خامة قميص النوم .. او ستارة الحمام .. وهذا طبعاً يلفت الانتباه جداً جداً جداً والناس لما بتشوف اللبس بالطريقه دي بتفهم ان دي بنت مش محترمه .. او انها بنت خليجيه مش ملتزمه لابسه الحجاب عاده يعني . وطبعاً ده بيترتب عليه المعاكاسات وغيره ..


يبقي الاخت لما تيجي تشتري ملحفه تشتريها ساده .. مفهاش اي شغل ... منها تعف نفسها ومنها توقف حال البيعات الي يبيعوا مثل هذه الاشياء وهم لما يلاقوا العبايات الي فيها شغل الاخوات بتنفر منها مش هيجبوها .. يبقي ضربتي عصفورين بحجر . ( عفيتي نفسك , وعملتي سنة حسنه .. واوقفتي بدعة )





4- اسدال او عباية تكون ضيقه .. بحيث تجسم الجسم من عند الوسط او من عند الصدر .... وهذا تبرج وليس له علاقة بالحجاب ابداً ولا بالالتزام .. وهذه الفتاه التي تلبس الضيق لو اظهرت شعرها ستكون فتنتها أقل .. فاتقي الله يا اختي .. واعلمي لماذا خـُلقتي !!!


وعشان الاخت متقلش طيب انا جسمي مليان اعمل ايه .. اقولك سيبك من الملحفه الي ب50 جنيه وروحي اشتري قماش وفصلي لنفسك ملحفه تكون واسعه جداً مهما كان جسمك مليان .. فصلي شيء يكون واسع عليكي ( لا يكلف الله نفساً الا وسعها ) وربنا امرك بالستر والعفاف ..


- الاخت التي لبست النقاب .. وتظهر يديها كيف تظهري يديك بعد لبسك النقاب !! ( أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ ) !!

يبقي اختنا الفاضله لازم تلبس جونتي عشان متظهرش ايدها





6- الاخت المسلمه تلبس الجورب " الشراب " حتى لا تظهر القدمين لانها فتنة للرجال . والاخت الي بشوفها لابسه نقاب ومخبيه ايدها .. وقدمها ظاهره مش لابسه عليهم شراب .. وده طبعاً ميصحش يا اختنا الفاضلة ..


يبقي الاخت المسلمه المفروض تلبس شراب ومتظهرش قدمها ويفضل بلاش الشراب الي باللون ( البيج ) بيكون لون البشره وده بردو بيلفت النظر وبيعملك شبهه انك مبينه رجلك .. وقدمك .





7- ملحفة واسدال لكن النقاب صغير بحجم كف اليد وكانها تضع كمامة زي الممرضات وده الخطر فيه من ناحيتين .. الاولى ان ممكن مع اقل حركة للهوء او للرأس او اثناء الشرب .. بيظهر الوجه والخطر التاني هو تجسيم الصدر وذلك بسبب عدم اسدال النقاب عليه .. وهذا الامر يتهاون فيه الكثير من اخواتنا الفضليات ..


يبقي الافضل تشتري النقاب الكبير .. منها يداري الصدر ومنها تقدري تشربي وتاكل براحتك ولو جه هوا وجهك ما يظهرش ولو عايزه تاكدي عليه يبقي تربطي النقاب مع الملحفه من عند الصدر بدبوس .. عشان الهواء ميرفعش نقابك ...




8- اختنا الفاضله تلبس نقاب لكن فتحة العين واسعة جداً فتظهر العينين كاملتين بكل ما فيهما من زينة .. أليس هذا فتنة ؟


ألا يكفيكي ان تظهري القدر الذي تستطيعي من خلاله ان تكون رؤيتك واضحة !! او تغطي عينيك لو كنتي تستطيعي الرؤيه من خلف ( البيشه ) يبقي يا اما تغطي عنيكي خالص ..
يا اما تفتحي فتحه صغيره جداً بحيث انتي تنظري وفي نفس الوقت الناس لا تنظر لعينك .



10- أختنا الفاضلة تلبس نقاباً محتشماً واسعاً فضفاضاً ولكن تلبس بعض الاشياء الملونه مثل الحذاء او ( توكه ) او الجونتي او الشراب .. والاصل في حجاب المرأه انه غير ملفت للنظر ..


فالمفروض الاخت الفاضله ملتبسش شيء يلفت النظر خالص عشان متضيعش ثواب حجابها علي حاجات تافهه ..



11- المنتقبة التى تتزين تحت النقاب وهى ذاهبة للمسجد . ويكون لهذه المكياجات رائحه وكانها عطر واذا قلت لها هذا لا يجوز تقول هذه مكياجات وليست رائحه او تقول انه مزيل للعرق وليس عطر ... الحرمه كانت ظهور الرائحه وليس اسم المعطر .. وايضاً لمن تتزينين في المسجد ؟؟ مع العلم ان هذا يثير الشبهه وسط نساء المسجد .. علي هذه الاخت .



يبقي الاخت الفاضله تخرج من بيتها ( للضرورة ) ما رايت في حياتي انسان يخرج مضطر ( فيحط مكياج وعطر ) كيف تتعطري وتتزيني وقد قطعت عنك عبادتك ( القرار في البيت ) وخرجتي الي الدنيا والعياذ بالله !!!


يبقي الاخت تخرج بدون عطر ( سواء مزيل للعرق او رائحه حتى ولو كانت مسك .. حتى وان كانت عطر للاطفال حتى وان كانت كلونيا ثلاث خمسات ... لاء مينفعش .. ولا حته ينفع تعطري ابنك الصغير وبعد كده تشيليه .. لان المفسده تحققت وان الرجال يشمون رائحتك .. فالاخت تخرج بدون عطر و بدون مكياج .. وتتقي الله وتعلم ان رائحتها بدون عطر أحب الله من خروجها متعطره بافضل انواع العطور ..




12- التساهل في رفع النقاب امام اخو الزوج او بعض الرجال بحجة انهم أقارب هذا مالا يرضاه الله ورسوله . وايضاً التساهل في رفع النقاب في بعض المحلات بحجه ( عشان اعرف اتفرج علي الحاجه الي هشتريها ) او لو في مطعم بحجه عشان اعرف اكل واشرب ..


يبقي الاخت الملتزمه الي عايزه تاكل برا .. عندها كذا حل . اما يشتروا الاكل ويروحوا ياكلوا في البيت .. او انها تاكل من تحت النقاب الكبير الي لسا شاريه من شويه بعد ما عرفت ان الصغير غلط زي ما قلنا من شويه .. ومفيش حل ثالث مفيش حاجه اسمها انا هقعد في ركن ومحدش يشوفني .. فكرتني بالاخت الي دخلت محل ادت ظهرها للزباين واعطت وشها للحيطه ناحية الشارع ... بس للاسف كان الحيطة دي زجاج لانها كانت وجهه المحل فكانت الاخت استخبت من الزباين واظهرت وجهها للشارع ككل ( دي مش نكته رأيتها بعيني ) ... فالاخت اما تاكل في بيتها يا اما من تحت النقاب .


13- التساهل في كشف الوجه أمام بواب العمارة – أو جامع القمامة ( الزبّال ) عن طريق ( الكسل في لبس النقاب عند فتح باب الشقه لهما )



الحل ان مفيش شيء اسمه كسل في ستر عورتي .. والحل العملي انك تدقي مسمار عند باب الشقه تحطي عنده اسدال ونقاب يكون خاص بفتح الباب منفصل تماماً عن اسدالك ونقابك بتاع الخروج بحيث يكون مكانه عند باب الشقه فقط خاص بفتح الباب .. واتقي الله اختنا الفاضله .. في نفسك ..


14- عدم لبس النقاب عند فتح باب البيت أو عند الوقوف في الشباك او وقت نشر الغسيل ( سواء بالنهار أو بليل ) و التساهل فى ذلك .. كل ذلك من الاستهانة بأوامر الله.



يبقي الوقوف في الشباك ( اذا كان للضروره ) او نشر الغسيل لازم يكون بالنقاب مينفعش من غير نقاب سواء بالليل او الصبح .. ومفهاش حل تاني ..


15- عباية مفتوحة وتحتها سروال" بنطلون جينز " يظهر من الجانبين.. وهذا مما يدمي القلب .. فانتي لبستي النقاب لانك عفيفه لماذا تتشبهين بالفاسقات ...


مش هقولك متلبسيش بنطلون .. لكن هقولك لا تظهري هذا البنطلون .. ولبس البنطلون مهم لان الاخت لو اكتفت بالجيبه ممكن تظهر ساقها او رجلها عند الطلوع والنزول من المواصلات فالبنطلون مهم ... وايضاً الجيبه مهمه عشان الهواء لما يكون شديد ميخليش الملحفه تجسم الرجل فالجيبه بتمنع الملحفه من تجسيم الرجل .. فالجيبه والبنطلون مهمين معاً تحت الملحفه



17- بعض المنتقبات تلبس معصم ملون وتشمر تحته اسدالها وكانها خارجه من خناقه وتختار المعصم بالالون فسفوريه ... وينقصها الجنزير وضربتين موس في وشها .. هذا من التبرج الصريح وتجسيم اليد .. ناهيك عن خامات هذه الباديهات أو ( المعصم ) الملتصقه بالجسد .


المعصم يكون اسود ومن تحت الملحفة .. عصمني الله واياكي من الفتن


18 - بعض المنتقبات يلبسن .. الحجاب كاملاً ولكنها تزيد علي اسدالها طرحه ( ايشرب ) يكون ملون .. وبكده تكون بوظت الاكله عشان بقرشين ملح ...


الملحفه كافيه .. مش عارف ايه ده لازم ايشرب تاني !!


19 – الاخت الملتزمه عندما تمشي في الشارع وشايفه الهواء شديد ... تقف علي جنب .. ولا تتحرك .. لانها ان أكملت سيرها في الهواء تجسد كل جسمها .. وهي لا تبالي .الاخت الملتزمه لا تتشبه بالرجال في لبسها .ومشيتها


يبقي لما يكون يوم حلو كده كله مطر وهواء واشياء خطره الافضل الاخت تاجل مشاورها .. لو منفعش تبقي تعمل المفسده الاقل فالاقل فبدل ما تمشي في الهواء تركب تاكسي وهكذا .. تراعي ستر جسدها يعني .. وربنا يسترنا ونساءنا جميعاًً


20 – الاخت الملتزمه إن امسكت في يديها شنطة .. صحيح هذه الشنطه ليست من لبسها ولكنها من زينتها فتراعي ان لا تكون شهره ولا فتنة


تكون شنطه سوداء وبلاش بقا ميكي ماوس وبطوط والكلام ده




اقول لكي في نهاية النصائح المتعلقه باللباس .. ان من مقاصد الشريعة في لبس المراه هو إخفاء الزينة .. فبلاش يكون لبسك ضد مقاصد الشريعة ..
واقول لكي كما قال الشيخ خالد الراشد .. اننا في عصر اتخذ البنات فيه حكمة ( خير اللباس ما قل ودل ) فلا تكوني ممن دل بحجابه على ضعف ايمانه .. وتشبهي بالكريمات العفيفات .. لعل الله ان يلحقك بهن في جنات النعيم ..


ويغفر لنا جميعاً ويرضى عنا ويجمعنا جميعاً في جناته ويرزقنا النظر إلى وجهه الكريم .. قولوا امين ..




منقوووووووووووووووووولللفائدة

( وأنا فخوره بأن النقاب الي هلبسو أن شاء الله معايا ومستنيه على أحر من الجمر بس لازم أستنه أنتو متعاملتوش مع أهلي ولا أدرى مني عنهم وبحمد ربنا أنو أستجابلي دعوه كنت بدعيها من صغري أنه يهديني للصح وللبس النقاب وأهو على الأقل من غير ماأغضب ربنا في شئ زي أني أقول لأهلي شئ يزعلهم وأنا بجادلهم كنت بقول كتيييير من غير قصد بس عمري ما قلت كلام وحش والكلام حتى مش وحش بس يزعلهم وكمان على الأقل أهلي يكونو برضك راضيين عني أكون كسبت رضى الله ورضي أمي وأبويه كمان ربنا يوفقكم كمان أدعولي مع أني سمعت أني غلط أطلب الدعاء ومدعيش أنا بدعيي الحمد لله بس أخاف أكون من الي بيقولو دايما أدعولي أدعولي ومبيدعوش دايما لربهم بس الحمد لله أنا مداومه على الدعاء ولو قصرت شويه بس برضك بدعي فلو مكنش فيها غلط أدعولي وتقبل الله منا ومنكم ) أختكم في الله حيه


الرجوع الى أعلى الصفحة اذهب الى الأسفل
http://ro0ro021.alafdal.net
{نجمه*الليل}
عضوة مبتدئية
عضوة مبتدئية
avatar

عدد المساهمات : 33
تاريخ التسجيل : 11/02/2011
الموقع : ونـأإـإآسسة بنآت

مُساهمةموضوع: رد: اللبس المصح للفتاة امحترمة   الجمعة فبراير 11, 2011 11:09 am

واو...

مقاله روعه

ششششششششكـراً~


الرجوع الى أعلى الصفحة اذهب الى الأسفل
http://ahlaambanat.yoo7.com
دمعة بنوتة
مديرة المنتدى
مديرة المنتدى
avatar

عدد المساهمات : 70
تاريخ التسجيل : 06/06/2010
العمر : 22

مُساهمةموضوع: رد: اللبس المصح للفتاة امحترمة   الأحد فبراير 13, 2011 12:37 pm

العفو ياقمر

_________________
الرجوع الى أعلى الصفحة اذهب الى الأسفل
http://ro0ro021.alafdal.net
{نجمه*الليل}
عضوة مبتدئية
عضوة مبتدئية
avatar

عدد المساهمات : 33
تاريخ التسجيل : 11/02/2011
الموقع : ونـأإـإآسسة بنآت

مُساهمةموضوع: رد: اللبس المصح للفتاة امحترمة   الأحد فبراير 27, 2011 11:45 am

jocolor
الرجوع الى أعلى الصفحة اذهب الى الأسفل
http://ahlaambanat.yoo7.com
 
اللبس المصح للفتاة امحترمة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى احلام البنات :: المعلومات المفيدم :: المعلومات المفيدم-
انتقل الى: